Fontainhas Panjim Goa

गोवा देशासह जगभरातील लोकांसाठी खास पर्यटन आकर्षण आहे. गोव्यातील प्रसिद्ध समुद्रकिनारे, नयनरम्य निसर्ग, वैविध्यपूर्ण संस्कृती आणि इतिहास अशी गोव्याची काही वैशिष्ट्ये आहेत. यातीलच एक म्हणजे राजधानी पणजीतील फोन्तेईन्हास.

याच 'फोन्तेईन्हास'ला जगातील सर्वात सुंदर परिसर म्हणून अमेरिकेतील एका मासिकात स्थान देण्यात आले आहे.

अमेरिकेतील आर्किटेक्चरल डायजेस्ट मासिकाने (Architectural Digest) जगातील अकरा सुंदर परिसरांची यादी प्रसिद्ध केली आहे. यात पणजीतील फोन्तेईन्हास परिसरला जगातील सहावा सुंदर परिसर म्हणूस स्थान देण्यात आले आहे.

पणजीतील फोन्तेईन्हास रंगबिरंगी घरे, वास्तुकलेमुळे पर्यटकांना आकर्षित करत असतो.

फोन्तेईन्हास पणजीममधील लॅटिन क्वार्टर असून, पोर्तुगीज वसाहत म्हणून प्रसिद्ध आहे. या परिसरात रंगीबेरंगी घरे असून, पर्यटकांसाठी खास आकर्षण आहे.

अरुंद रस्ते, आर्ट गॅलरी, रेस्टॉरंट्स आणि जवळच असणारी मांडवी नदीचा परिसर या परिसराला अधिक आकर्षक करतो.