Zuari Agro Chemicals Explosion Five officials acquitted

पणजी: झुआरी ॲग्रो केमिकल्स लि.मध्ये अमोनिया टाकीच्या दुरुस्तीचे काम करताना स्फोट होऊन तीन मजुरांचा मृत्यू झाला होता. पाच अधिकाऱ्यांसह कंपनीच्या व्यवस्थापनाविरुद्ध सदोष मनुष्यवधाचा गुन्हा दाखल केला होता. या घटनेप्रकरणी पोलिसांनी दाखल केलेल्या आरोपांना आव्हान दिलेल्या पाच अधिकाऱ्यांना मुंबई उच्च न्यायालयाच्या गोवा खंडपीठाने दिलासा देत आरोपमुक्त केले आहे.

अमोनिया टाकीच्या दुरुस्तीचे काम कंत्राटदाराला दिलेले तरी त्यावर देखरेख ठेवण्याचे काम अधिकाऱ्यांचे होते. या स्फोटात कर्मचारी गोविंद लोटलीकर, दीपक उसगावकर रोहित शिरते, साईश बिचोलकर व महेश प्रभुदेसाई यांच्याविरुद्ध निष्काळजीपणाचा ठपका ठेवला होता.

इतर संशयितांविरुद्ध खटला सुरू राहणार

हा स्फोट त्यांच्याकडून देखरेख ठेवण्यास झालेल्या निष्काळजीपणामुळे झाला हे कोठेच सिद्ध होत नाही. त्यामुळे त्यांच्याविरुद्ध सादर करण्यात आलेले सदोष मनुष्यवधाचे आरोप रद्द करण्यात येत असल्याचे आदेशात न्यायालयाने म्हटले आहे. मात्र या घटनेतील इतर संशयितांविरुद्ध खटला सुरू राहणार आहे.