Verna IDC Accident

वेर्णा औद्योगिक वसाहतीत झालेल्या अपघातात बिहारच्या पाच कामागारांचा मृत्यू झाला. याप्रकरणी बिहारचे मुख्यमंत्री नितीश कुमार यांनी शोक व्यक्त केला आहे. मुख्यमंत्र्यांनी या घटनेला अत्यंत दुःखद असल्याचे म्हटले आहे.

या अपघातात जखमी झालेल्यांची प्रकृती लवकरात लवकर बरी व्हावी, अशी प्रार्थना देखील त्यांनी केली आहे.

शनिवारी (दि. 25) रात्री अकराच्या सुमारास मजूर झोपडीत झोपले असताना, एक बस झोपडींमध्ये घुसली. यात अनेक कामगार चिरडले. यापैकी चार मजुरांचा जागीच मृत्यू झाला, तर तीन मजूर जखमी झाले. उपचारादरम्यान आणखी एका मजुराचा मृत्यू झाला.

मिळालेल्या माहितीनुसार, बिहारच्या चंपारण जिल्ह्यातील हरसिद्धी पोलीस ठाणे हद्दीतील घाटुली गावातील सुमारे दोन ते अडीच डझन मजूर गोवा येथील बांधकाम कंपनीत काम करतात. आठवडाभरापूर्वी गावातील हे सात मजूर गोव्याला गेले होते. सर्वजण बांधकाम कंपनीत मजूर म्हणून काम करू लागले आणि रस्त्याच्या कडेला असलेल्या झोपडीत राहू लागले.

शनिवारी रात्री जेवण करून सर्वजण झोपले. सगळे गाढ झोपेत होते. त्याचवेळी एक नियंत्रित बस त्यांच्या झोपड्यांमध्ये घुसली. यात चार जणांचा जागीच मृत्यू झाला.