पणजी : गोव्यात विधानसभा मंत्रिमडळाच्या सोमवारी झालेल्या शपथविधीनंतर आज बुधवारी अर्थसंकल्प सादर केला जात आहे. रोजगार संधी, पर्यटन आणि साधन सुविधांची निर्मिती करणारा, खनिज उद्योग आणि कृषी क्षेत्राला प्रोत्साहन देणारा राज्याचा 2022-23 चा अर्थसंकल्प बुधवारी विधानसभेत मुख्यमंत्री डॉ. प्रमोद सावंत (Pramod Sawant) हे अर्थमंत्री या नात्याने त्यांनी सादर केला आहे. हा अर्थसंकल्प 24,467.40 कोटींचा आहे.

दरम्यान, सर्व शेतकर्‍यांना 3 लाखांपर्यंतचे कर्ज 0 टक्के व्याजदराने देण्यात येणार आहे. . त्यामुळे शेतकरी आपला शेती (Agriculture) पूरक व्यवसाय किंवा शेतीसाठी हे भांडवल वापरू शकणार आहेत. ही शेतकऱ्यांसाठी आनंदाची बातमी आहे. तसेच मासेमारीस (fishermen) प्रोत्साहन देण्यासाठी 10 बायोफ्लॉक उभारण्यात येणार आहेत. या अर्थसंकल्पात (Budget) मासेमारी व्यवसाय करणाऱ्यांसाठी देखील तरदूत करण्यात आली आहे. त्यामुळे या वर्गात देखील आनंदाचे वातावरण दिसत आहे. भाजपने 2022 च्या विधानसभा निवडणुकीत 3 गॅस सिलिंडर मोफत देण्याची घोषणा केली होती. याच पार्श्वभूमीवर आता वार्षिक 3 गॅस (LPG) सिलिंडर मोफत देण्यासाठी 40 कोटींची तरतूद करण्यात आली असल्याची माहिती देखील प्रमोद सावंत यांनी दिली आहे.

दरम्यान, यावेळी अर्थसंकल्पात (Budget) सरकारी कर्मचाऱ्यांसाठी स्वेच्छा निवृत्ती योजना आणली जाणार असल्याची माहिती प्रमोद सावंत यांनी दिली. तसेच यासाठी 10 कोटींची तरतूद केली आहे. अशी माहिती देखील यावेळी सावंत यांनी दिली.

त्याचबरोबर उद्योग आणि खाणी (Mining) क्षेत्रांसाठी 340 कोटींचा निधीची तरतूद करण्यात आली आहे. त्यामुळे काणकाम व्यवसाय पुन्हा सुरू होणार असल्याची पुष्टी दिली आहे. तसेच यावेळी बोलताना सावंत म्हणाले की खाण महामंडळाची स्थापना करुन खाणपट्ट्याचा विकास केला जाणार आहे. तसेच जलस्रोत खात्यासाठी 540.02 कोटींच्या निधीची तरतूद करण्यात आली आहे. तसेच शेतकऱ्यांना 3 लाख रुपयांपर्यंत बिनव्याजी कर्ज मिळणार आहे. त्यामुळे शेतकरी आपला शेती पूरक व्यवसाय किंवा शेतीसाठी हे भांडवल वापरू शकणार आहेत. ही शेतकऱ्यांसाठी आनंदाची बातमी आहे.