मडगाव: पतीने पत्नीचा खून केल्याची घटना बुधवारी (३० एप्रिल) मुंगुल - फातोर्डा येथे उघडकीस आली. याप्रकरणी पती कृष्णा रॉय (३८) याला अटक करुन सात दिवसांची पोलिस कोठडी सुनावण्यात आली आहे. कृष्णाने पत्नी करिष्माचा खून का केला? याप्रकरणी धक्कादायक माहिती समोर आली आहे.

मूळ पश्चिम बंगाल येथील रॉय दाम्पत्य मुंगुल - फातोर्डा येथे वास्तव्यास होते. बुधवारी रात्री करिष्मा रॉय येथील घरात मृतावस्थेत आढळून आला. पोलिसांनी घटनास्थळी दाखल होत पंचनामा केला. तपासाअंती पोलिसांनी पतीला अटक केली. करिष्मा आणि कृष्णा यांच्यात नेहमी खटके उडत असत. दरम्यान, यातूनच पतीने पत्नी करिष्माचा खून केल्याचा संशय व्यक्त करण्यात आला.

याप्रकरणात आता नवी माहिती समोर आली असून, पत्नी करिष्मा सतत मद्यपान करायची यामुळे पती कृष्णा कंटाळला होता. यातूनच कृष्णाने करिष्माला मारहाण केली यातच तिचा मृत्यू झाल्याचे समोर आले आहे. पोलिसांनी संशयित पतीला अटक करुन न्यायालयात हजर केले असता त्याला सात दिवसांची पोलिस कोठडी सुनावण्यात आली आहे.

मिळालेल्या अधिकच्या माहितीनुसार, संशयित पती गोव्यात सुतारकाम करतो. पत्नीच्या सततच्या मद्यपानाला कंटाूळून त्याने बुधवारी रात्री तिला बेल्ट आणि काठीने मारहाण केली. यात गंभीर जखमी झालेल्या करिष्मा रॉय (२८ हिचा मृत्यू झाला, असे तपासातून समोर आले आहे.