Goa FDA: एफडीए अधिकाऱ्यांनी आज शुक्रवारी कुंकळ्ळीत विनापरवाना फरसाण उत्पादन आस्थापनांवर छापे टाकून सुमारे 45 हजारांचा फरसाण व हलवा जप्त केला. मे. हेमराम सोळंकी व मे. धनराम सोळंकी नामक ही आस्थापने अनारोग्य वातावरणात कार्यरत होती. तेथे जप्त केलेला माल नंतर नष्ट केला गेला.

हलवा उत्पादने तर एका निवासी स्वच्छतालयात साठवून ठेवला होता तो कचरा (Garbage) व्यवस्थापन सुविधेत नष्ट केला गेला. उभय आस्थापनांना विनापरवाना व्यवसाय चालविल्या प्रकरणी नोटिसा जारी केल्या आहेत. एफडीएच्या पथकात सिनियर एफसीओ राजीव कोरडे, एफ एस ओ अमीत मांद्रेकर, प्रिया कोमरपंत, स्नेहा नाईक, अभिषेक नायक व नमुना सहाय्यक साईनाथ मांद्रेकर यांचा समावेश होता.