अन्न आणि औषध प्रशासनाच्या (FDA Crackdown) वतीने कपिलेश्वर जत्रेतील (Kapileshwari Jatra) मंचुरियन स्टॉल धारकांवर कारवाई करण्यात आली आहे. स्टॉल धारकांकडे अन्न आणि औषध प्रशासनाचा परवाना नव्हता तसेच, पदार्थ बनविण्यासाठी स्वच्छता आणि आरोग्यसंबधित योग्य काळजी घेतली नाही. त्यामुळे एफडीएने सहा अवैध स्टॉल धारकांविरोधात कारवाई केली आहे.

(FDA closes down 6 Gobi Manchurian stalls at Kapileshwari Jatra)

कपिलेश्वर जत्रेत विनापरवाना गोभी मंचुरियन स्टॉल धारकांनी स्टॉल उभारले होते. अन्न सुरक्षा अधिकारी शिवदास नाईक आणि श्रुती पिलार्णेकर यांनी कपिलेश्वर जत्रेत भेट देऊन स्टॉल धारकांना स्टॉल हटविण्याच्या सूचना दिल्या.

अन्न आणि औषध प्रशासनाच्या वतीने स्टॉल धारकांनी यापूर्वी देखील स्टॉल हटविण्याची सूचना करण्यात आली होती. दरम्यान, त्यांनी पुन्हा स्टॉल उभारल्यानंतर त्यांच्यावर कारवाई करण्यात आली. यावेळी सहा स्टॉल हटविण्यात आले.