सासष्टी: आगाळी-फातोर्डा येथील सार्वजनिक बांधकाम खात्याच्या जागेत चार ते पाच मोठे अजगर सापडले आहेत. त्यामुळे सभोवताली राहत असलेल्या लोकांमध्ये भीतीचे वातावरण पसरले आहे.
यासंदर्भात केतन नार्वेकर यांनी सांगितले की, पूर्वी या जागेत खात्यामार्फत स्वच्छता केली जात असे. शिवाय तिथे आग लावली जात असे; पण गत सात वर्षांपासून ही जागा म्हणजे स्क्रॅप यार्ड झाले आहे. इथे मोठ-मोठे पाईप ठेवले आहेत, त्यामुळे अजगर, साप, दीवड यासारख्या सरपटणाऱ्या प्राण्यांचा सुळसुळाट झालेला दिसतो. आपल्या घरामागेही साप आहेत. या जागेचा वापर गेल्या ३० वर्षांपासून सार्वजनिक बांधकाम खात्यामार्फत केला जात आहे.
दरम्यान, स्थानिकांनी उपजिल्हाधिकाऱ्यांना यासंदर्भात माहिती दिली असून त्यांनी ही जागा स्वच्छ करण्यास साबांखाला सांगितले आहे, अशी माहिती मिळाली आहे.
प्राणी रक्षक ज्युलियो क्वाद्रोस यांनी सांगितले की, आम्ही एक अजगर पकडला आहे. पण इथे चार ते पाच अजगर असायला हवेत. या सर्वांना पकडले तरी आणखी काही महिन्यांनी इथे आणखी अजगर सापडू शकतात. त्यामुळे आम्ही अशा प्राण्यांबाबत माहिती जाणून घेऊन, सजग राहायला शिकणे आवश्यक आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.