मडगाव: पूर्व वैमनस्यातून गुंड विजय कुलाल याला नग्न करून भर रस्त्यात जबर मारहाण केल्याच्या आरोपाखाली फातोर्डा पोलिसांना हवे असलेल्या जोझेफ सिक्वेरा, वाल्टर फर्नांडिस व सिमोन फर्नांडीस या तीन संशयितांनी अटकपूर्व जामिनासाठी केला होता. यावर आज मडगाव सत्र न्यायालयात सुनावणी पार पडली हा अर्ज न्यायलयाने फेटाळला आहे. यामुळे तिन्ही संशयितांना पोलीसांनी त्वरित ताब्यात घेतले.

(Fatorda police have arrested 6 suspects in the Vijay Kulal case)

दरम्यान या प्रकरणात फातोर्डा पोलिसांनी या पूर्वी अटक केलेल्या अफझल हुसेन शेख, रिहान अहमद, कृष्णा लोहार या तिघांच्या पोलीस कोठडीचा रिमांड आज संपला. मागच्या रविवारी या संशयितांनी कोलवा सर्कलजवळ रात्रीच्या वेळी सहा जणांच्या गटाने कुख्यात गुंड विजय कुलाल याला भररस्त्यात नग्न करून लाथाबुक्यांनी तसेच दांडुके, दगड घेऊन जबर मारहाण केली होती. या प्रकरणी विजय कुलाला याने पोलीस तक्रार केली होती.

या तक्रारीची दखल घेत पोलिसांनी तिघाजणांना अटक केली असून आणखी तिघांचा शोध घेण्याचा प्रयत्न पोलिसांनी केला होता, मात्र ते मिळू शकले नव्हते. ते फरार झाल्यानंतर आपल्याला अटकपूर्व जामीन मिळावा यासाठी त्यांनी अर्ज केला होता. तो न्यायालयाने आज नाकारल्याने पोलिसांनी त्यांना ताब्यात घेतले आहे.