Goa Crime News

फोंडा: किरकोळ कारणावरुन कार मेकॅनिकला लोखंडी रॉडने मारहाण केल्याची घटना तिस्क - उसगाव येथे उघडकीस आली आहे. मूळ ओडिशा येथील असणारा मेकॅनिक यात गंभीर जखमी झाला असून, त्याला उपचारासाठी गोमेकॉत दाखल करण्यात आले आहे. याप्रकरणी बाप लेकाला अटक करण्यात आली आहे.

अशोक कुमार बाबाजी सेठी (55, ओडिशा ) असे मारहाण झालेल्या मेकॅनिकचे नाव आहे. तर, कुणाल सनगांवकर (25 तिस्क-उसगाव) आणी किशन सनगांवकर (53, तिस्क-उसगाव ) असे अटक करण्यात आलेल्या बाप लेकाचे नाव आहे. याप्रकरणी फोंडा पोलिस स्थानकात गुन्हा दाखल करण्यात आला आहे.

मिळालेल्या माहितीनुसार, उसगाव येथे गॅरेजमध्ये काम करत असलेल्या अशोक कुमारला सनगांवकर बाप लेकाने लोखंडी रॉडने मारहाण केली. मारहाणीचे नेमके कारण अद्याप समोर आलेले नाही. दरम्यान, याबाबत फोंडा पोलिसांना तक्रार प्राप्त झाल्यानंतर पोलिसांनी सनगांवकर बाप लेकाला अटक केलीय. याप्रकरणी फोंडा पोलिस अधिक तपास करतायेत.