Old Goa Church: गोवा जगभरातील पर्यटकांसाठी आकर्षणाचे महत्वाचे ठिकाण आहे. जगभरातून दरवर्षी लाखो पर्यटक राज्यात येत असतात.

राज्याला असणारा मोठा इतिहास आणि येथील निसर्ग सौंदर्याच्या प्रेमात पर्यटक पडतात. याशिवाय गोव्यात असणारी विविध पर्यटन स्थळांना देखील अनेकजण भेट देत असतात.

असेच आकर्षणाचे एक स्थळ म्हणजे ओल्ड गोवा येथील 'बॅसिलिका ऑफ बॉम जिझस' चर्च (basilica of bom jesus church) पाहण्यासाठी अनेकजण येत असतात.

(Exposition Of St. Xavier's Relics At Old Goa check dates)

'बॅसिलिका ऑफ बॉम जिझस' चर्चमध्ये असणारे संत फ्रान्सिस झेवियरचे शव (St. Xavier's Relics) दहा वर्षातून एकदा लोकांच्या दर्शनासाठी ठेवले जाते.

‘गोंयचो सायब’ या नावाने प्रसिद्ध असलेल्या संत फ्रान्सिस झेवियर यांच्या अवशेषांचे प्रदर्शन 21 नोव्हेंबर 2024 ते 5 जानेवारी 2025 दरम्यान ओल्ड गोवा येथे होणार आहे.

यापूर्वी झेवियर यांच्या अवशेषांचे शेवटचे प्रदर्शन 2014-15 मध्ये झाले होते. जगभरातील पर्यटकांना आकर्षित करणाऱ्या या कार्यक्रमाची घोषणा एका विशेष आदेशाद्वारे करण्यात आली आहे.

संत फ्रान्सिस झेवियर यांच्या अवशेषांचे सोलेमन एक्स्पोझिशन प्रत्येक 10 वर्षांनी आयोजित करण्याची प्रदीर्घ प्रथा आहे. या अनुषंगाने हे प्रदर्शन गुरुवार, 21 नोव्हेंबर 2024 पासून रविवार, 5 जानेवारी 2025 दरम्यान आयोजित करण्यात आले आहे.

प्रदर्शनाची व्यवस्था करण्यासाठी पुरुष, महिला आणि धार्मिक भगिनी आणि पुजारी यांचा समावेश असलेली एक विशेष समिती स्थापन करण्यात आली आहे.