Goa Higher Education: अनेक दशकांपासून शिक्षणक्षेत्रात मुलीच बाजी मारत असल्याचे आपण पहिले आहे. केंद्रीय शिक्षण मंत्रालयाने (MOE) जारी केलेल्या उच्च शिक्षणावरील अखिल भारतीय सर्वेक्षण 2020-2021 मध्ये याबाबत एक माहिती पुरवली आहे.

अहवालात सांगितल्याप्रमाणे, गेल्या पाच वर्षांत म्हणजेच 2016 ते 2021 पर्यंत गोव्यातील उच्च शिक्षण क्षेत्रातील महिला विद्यार्थ्यांचे एकूण नोंदणी प्रमाण पुरुष विद्यार्थ्यांच्या तुलनेत जास्त आहे.

2020-2021 या वर्षासाठी ही आकडेवारी पुरुष विद्यार्थी 30.8 तर, महिला विद्यार्थी 37.3 इतकी आहे. गेल्या पाच वर्षातील नोंदणी प्रमाण सातत्याने वाढत असून ते अशाप्रकारे आहे :

>>2020-21

• पुरुष : 30.8

• महिला : 37.3

• सरासरी : 33.8

>>2019-20

• पुरुष : 26.9

• महिला : 34.2

• सरासरी : 30.3

>>2018-19

• पुरुष : 29.8

• महिला : 34.9

• सरासरी : 32.2

>>2017-18

• पुरुष 28.2

• महिला : 32.1

• सरासरी : 30

>>2016-17

• पुरुष : 28.3

• महिला : 32.4

• सरासरी : 30.2

शिक्षणातील सहभाग मोजण्यासाठी GER (नोंदणी प्रमाण) हा सामान्यतः वापरला जाणारा मापदंड आहे आणि त्याची गणना शिक्षणाच्या स्तरावरील एकूण नोंदणी म्हणून केली जाते. 18-23 वयोगटासाठी 2011 च्या जनगणनेवर आधारित लोकसंख्या अंदाज वापरून GER चा अंदाज लावला गेला आहे.

गोव्यासाठी GER डेटानुसार मागील वर्षांच्या तुलनेत दिव्यांग व्यक्तींच्या (PwD) उच्च शिक्षणातील नोंदणीमध्ये घट झाल्याचे दिसून आले आहे.