Mormugao : मुरगाव बंदरात एमव्ही एमप्रेस हे पर्यटक जहाज 1831 देशी विदेशी पर्यटकांना घेऊन पहाटे 6 वाजता दाखल झाले. सदर जहाज मुंबई मार्गे गोव्यात मुरगाव बंदरात दाखल झाले.

2022-23 या पर्यटन हंगामातील विदेशी पर्यटक जहाज एमव्ही एमप्रेस प्रवासी 1233 व 598 कर्मचारी मिळून 1831 देशी विदेशी पर्यटकांना घेऊन दाखल झाले.

एमव्ही एमप्रेस पर्यटक जहाज जेएम बक्सी यांच्या प्रायोजनाखाली मुरगाव बंदरात दाखल झाले. नंतर पर्यटकांनी सर्व सोपस्कर पुर्ण करून गोवा भ्रमंतीसाठी रवाना झाले. गोव्याच्या सौंदर्यसृष्टीचा आस्वाद घेतल्यानंतर पर्यटक पुन्हा मुरगाव बंदरात दाखल होऊन जहाजात रवाना झाले.

नंतर सदर जहाज दुपारी 3.15 वाजता मुंबईला जायला रवाना झाले. यावेळी 39 पर्यटक गोव्यात ऊतरले. तर 1225 प्रवासी रवाना झाले. दरम्यान उद्या सकाळी नौटीका पर्यटन जहाज 968 पर्यटकांना घेऊन मूरगाव बंदरात दाखल होणार आहे.

काही दिवसांपूर्वी मुरगाव बंदरात कोस्टा डेलिझिओसा 1 हे पर्यटक जहाज 2419 विदेशी पर्यटकांना घेऊन दाखल झाले होते. 2023 या वर्षात मुरगाव बंदरात दाखल होणारे हे दुसरे विदेशी पर्यटक जहाज आहे.

सदर जहाज मुंबई मार्गे गोव्यात मुरगाव बंदरात दाखल झाले होते. नंतर पर्यटकांनी सर्व सोपस्कर पुर्ण करून गोवा भ्रमंतीसाठी रवाना झाले. गोव्याच्या सौंदर्यसृष्टीचा आस्वाद घेतल्यानंतर पर्यटक पुन्हा मुरगाव बंदरात दाखल होऊन जहाजात रवाना झाले. नंतर सदर जहाज मालदिवजला संध्याकाळी साडेसात वाजता रवाना झाले.