Electric Bus Service In Panjim

स्मार्ट सिटी पणजी आणि आसपासच्या भागात 1 एप्रिलपासून इलेक्ट्रिक बससेवा सुरु होणार आहे. परिवहन संचालनालयाने बुधवारी अधिसूचना प्रसिद्ध केली आहे.

मोठ्या बसेसपासून ते बग्गीपर्यंत एकूण 60 इलेक्ट्रिक बसपैकी सुरुवातीला 44 बस विविध मार्गावर धावतील. प्रवाशांच्या सोईसाठी दररोज किमान 500 फेऱ्या चालविल्या जातील.

इलेक्ट्रिक बसच्या ताफ्यात मिनी, मायक्रो आणि मोठ्या बसचा समावेश आहेत. मोठ्या बसमध्ये 49 प्रवासी, मिनी बसमध्ये 14 आणि मायक्रो प्रकारच्या बसमध्ये 11 प्रवासी वाहून नेण्याची क्षमता आहे.

इलेक्ट्रिक बससोबत डिझेलवर धावणाऱ्या मिनी बस देखील सेवेत असतील, या बसची 30 प्रवासी वाहून नेण्याची क्षमता आहे.

अधिसूचनेमध्ये मार्गांची रूपरेषा देखील देण्यात आली आहे, यात मिरामार, दोना पावला, करंजाळे, बांबोळी, गोवा विद्यापीठ, कुजिरा, ताळगाव, सांतिनेज, सांताक्रूझ आणि अल्तिनो यांचा समावेश आहे.

प्रवाशांना बस ओळखणे सोपे व्हावे यासाठी बसला निळ्या, पिवळ्या, लाल, हिरवा, इंडिगो, व्हायलेट आणि केशरी अशा सात नियुक्त मार्गांनुसार रंग दिला जाणार आहे.

सरकारने काही मार्गांवर बससाठी 10 रुपये आणि इतर मार्गांसाठी 20 रुपये भाडे निश्चित केले आहे.