दिल्ली उत्पादन शुल्क धोरणातील कथित घोटाळ्याशी संबंधित मनी लाँड्रिंग प्रकरणी गेल्या आठवड्यात दिल्लीचे मुख्यमंत्री अरविंद केजरीवाल यांना अटक करण्यात आलीय.
अंमलबजावणी संचालनालय सातत्याने आम आदमी पक्षाच्या नेत्यांच्या घरांवर छापे टाकत असताना, गोव्यातील आप नेत्यांना ईडीने समन्स बजावला आहे. यात गोव्याचे आप संयोजक अमित पालेकर यांच्यासह तिघांचा समावेश आहे.
अंमलबजावणी संचालनालयाने मनी लाँडरिंग प्रतिबंधक कायद्यांतर्गत आप गोवा संयोजक अमित पालेकर, रामराव वाघ, दत्तप्रसाद नाईक आणि भंडारी समाजाचे अध्यक्ष अशोक नाईक यांना समन्स बजावले आहे.
संचालनालयाने सर्वांना गुरुवारी (28 मार्च) ईडीसमोर हजर राहण्याचे आदेश दिले आहेत.
दिल्ली उत्पादन शुल्क धोरणातील कथित घोटाळ्यातील पैसा आम आदमी पक्षाने गोवा विधानसभा निवडणुकीच्या प्रचारात वापरल्याचा आरोप ईडीने केला आहे. यासंबधित सर्वांची चौकशी केली जाऊ शकते.
दरम्यान, आपच्या दीपक सिंगला यांच्या घरावर ईडीने छापा टाकला. दिल्लीचे मुख्यमंत्री अरविंद केजरीवाल यांच्या अटकेनंतर दीपक सिंगला हे दुसरे आप नेते ठरले आहेत. दीपक सिंगला यांचे गोव्याशी संबंध असल्याने हा छापा कथित दारू घोटाळ्याशी असू शकतो, असे मानले जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.