Dudhsagar Waterfall Viral Video: गोव्यातील प्रसिद्ध दुधसागर धबधब्याचा एक नयनरम्य व्हिडिओ सध्या सोशल मीडियावर प्रचंड व्हायरल होत आहे, ज्याने नेटकऱ्यांची मने जिंकली आहेत. पावसाळ्यात पूर्ण क्षमतेने वाहणारा हा धबधबा आणि रेल्वे यामुळे तयार झालेले दृश्य अविश्वसनीय असून ते पाहण्यासाठी पर्यटकांना आकर्षित करत आहे.

आधी हा व्हिडिओ पाहा!

व्हिडिओमध्ये काय आहे?

सध्या व्हायरल होत असलेल्या व्हिडिओमध्ये, गोवा (Goa) आणि कर्नाटक सीमेवरील दुधसागर धबधब्यावरुन निसर्गाची विहंगमता पाहायला मिळत आहे. या मनमोहक दृश्यात आणखी भर घालत आहे ती म्हणजे इथून जाणारी रेल्वे. एका पुलावरुन एक रेल्वे धबधब्याच्या समोरुन जाताना दिसत आहे. हा नजारा डोळ्यांना सुखावणारा असून निसर्गाची भव्यता आणि मानवनिर्मित अभियांत्रिकीचा संगम यात स्पष्ट दिसतो. अनेकदा तर रेल्वे धबधब्याच्या पाण्याच्या तुषारांनी अक्षरशः न्हाऊन निघते, जे पाहण्यासाठी पर्यटक गर्दी करतात.

हा व्हिडिओ सोशल मीडिया (Social Midea) प्लॅटफॉर्मवर इन्स्टाग्रामवर शेअर करण्यात आला आहे. त्याला आतापर्यंत हजारोहूंन अधिक व्ह्यूज मिळाले असून हजारो लोकांनी त्याला लाईक केले आहे. नेटकरी या व्हिडिओवर इमोजीच्या माध्यमातून कमेंटही करत आहेत.