Goa Narcotic Raid: आराडी, सांगोल्डा येथे पोलिसांच्या अँटी नार्कोटिक विभागाने टाकलेल्या छाप्यात 2.80 लाखांचे अमली पदार्थ जप्त करण्यात आले आहेत. या प्रकरणी एकाला अटक करण्यात आली आहे.

आराडी, सांगोल्डा येथून गिरी येथील चर्चकडे जाणाऱ्यावर रस्त्यावर ही कारवाई करण्यात आली. अश्वनी उर्फ अनिल साईप्रकाश विश्वकर्मा असे अटक करण्यात आलेल्या संशयिताचे नाव आहे. त्याच्याकडून 2.8 किलोग्रॅम गांजा आढळून आला.

तो सध्या ओल्गा बार, मारना रोड, कुचेली, म्हापसा येथे राहतो. तथापि, तो मूळचा भोलापूर, फतेहपूर, उत्तरप्रदेश येथील आहे.

पोलिस निरीक्षक लक्षी आमोणकर यांच्या नेतृत्वाखालील हेड कॉन्स्टेबल अशोक गावडे, पोलिस कॉन्स्टेबल नवीन पालयेकर, कल्पेश शिरोडकर, महाबळेश्वर सावंत, राजेश शिरगावकर, संदेश कांबळी, कमलेश धारगळकर या पथकाने ही कारवाई केली.

या प्रकरणी अधिक तपास पोलिस निरीक्षक नॅथन अल्मेडा करत आहेत.