पणजी, 

माजी आमदार स्व. जितेंद्र देशप्रभू यांना गोमेकॉत उपचारासाठी आणल्यानंतर झालेल्या दिरंगाईचा ठपका ठेवत निलंबित केलेल्या डॉक्टरचे निलंबन मागे घेण्यात आले आहे. भारतीय वैद्यकीय संघटना व गोमेकॉ निवासी डॉक्टर संघटनेने घटनाक्रम विशद करत त्या डॉक्टरची पाठराखण केली होती. आता त्या प्रकरणाची चौकशी करणारी गोमेकॉ पातळीवरील समितीच गुंडाळण्यात आल्याने निलंबन मागे घेणे, हे उपचारापुरते राहिले होते.