Divar Island Eco Tourism Project

तिसवाडी: दिवाडी बेटावर प्रस्तावित इको-टुरिझम प्रकल्पाला गोल्ती-नावेलीच्या ग्रामसभेत तीव्र विरोध करण्यात आला. प्रकल्प आल्यास दिवाडीतील शांती आणि सौंदर्य नष्ट होईल, अशी भीती ग्रामस्थांनी व्यक्त केली. या प्रकल्पाला विरोध करणारा ठराव एकमताने संमत करण्यात आला.

सरंपच मारियो पिंटो यांच्या अध्यक्षतेखाली ही ग्रामसभा झाली. प्र -प्रकल्पाची अधिसूचना रद्द न झाल्यास आंदोलनाचा इशारा ग्रामसभेत देण्यात आला. मोठ्या संख्येत दिवाडीवासियांनी ग्रामसभेला हजेरी लावल्याने प्रकल्पाला संपूर्ण दिवाडीत विरोध होईल, असे स्पष्ट झाले

उद्या पणजीत आंदोलन

या प्रकल्पाची अधिसूचना रद्द करावी, यासाठी १ ऑक्टोबर रोजी पणजीत नगर नियोजन खात्यासमोर लक्षणीय आंदोलन केले जाईल. तसेच ६ ऑक्टोबर रोजी दिवाडीत रॅली काढली जाणार आहे. सरकारकडून अधिसूचना रद्द न झाल्यास तीव्र आंदोलनाचा इशारा दिवाडीवासियांनी दिला आहे.