पिसुर्ले: गोवा राज्य (Goa) सरकारने धनगर समाजाला अनुसूचित जमातीचा दर्जा देण्या संबंधी एन डी अगरवाल यांची नेमणूक करून केंद्रीय आदिवासी कल्याण मंत्रालयाला पाठवण्यात आलेला दुरूस्ती अहवाल ही केंद्र सरकारच्या आरजीआय या संस्थेने परत पाठविण्यात आल्याची माहिती समाज बांधवांना समाजताच त्याच्यात प्रचंड नाराजी पसरली आहे, त्याअनुषंगाने तातडीची बैठक कुडचिरे येथे डिचोली तालुक्यांचे माजी अध्यक्ष भागो वरक यांच्या अध्यक्षतेखाली बैठक संपन्न झाली.

सदर बैठकीत या संदर्भात सविस्तर माहिती सत्तरी तालुक्याचे अध्यक्ष बि डी मोटे यांनी दिली, यावेळी उपस्थित समाज बांधवांनी सरकारांच्या या धोरणामुळे नाराजी व्यक्त केली, तर हा विषय येणाऱ्या विधानसभेच्या निवडणुकी पुर्वी सुटलाच पाहिजे अशी जोरदार मागणी केली, त्यासंबंधी मुख्यमंत्री डॉ प्रमोद सावंत यांची आज भेट घेऊन त्यांना निवेदन देण्याचे ठरविण्यात आले आहे. यावेळी डिचोली तालुक्यातील अध्यक्ष दिलीप वरक, बार्देश तालुका अध्यक्ष विनायक खरवत आदी सह सत्तरी डिचोली व बार्देश तालुक्यातील पदाधिकारी उपस्थित होते.