पणजी : गोवा विधानसभा निवडणुकीच्या पार्श्वभूमीवर सध्या वातावरण चांगलंच तापलं आहे. यातच महाराष्ट्राचे माजी मुख्यमंत्री आणि गोव्याचे काँग्रेस प्रभारी देवेंद्र फडणवीस यांनी चांगलाच निशाणा साधला आहे. भाजपला गोव्यात कोणतंही नुकसान होणार नाही. (Devendra Fadnavis News Updates)

भाजपला (BJP) पराभूत करण्यासाठी लोकसभा निवडणुकीतही शरद परावांनी विरोधकांच्या महाआघाडीचा प्रयत्न केला होता. शरद पवार म्हणाले तसे हातात हात घेऊन आघाड्या झाल्या. मात्र त्यात त्यांना अपयश आले होते. गोव्यात त्यांनी विरोधी पक्षांची आघाडी केली तरी त्याचा भाजपवर काहीही परिणाम होणार नाही, असं फडणवीस यांनी स्पष्ट केलं आहे.

दुसरीकडे उत्पल पर्रीकरांच्या उमेदवारीवरही फडणवीसांनी परखड भाष्य केलं आहे. मनोहर पर्रीकरांनी (Manohar Parrikar) गोव्यात भरपूर काम केलेलं आहे. मात्र केवळ त्यांचा मुलगा म्हणून तिकीट देता येणार नाही. त्याचा निर्णय़ भाजपची केंद्रीय कमिटी घेईल असंही फडणवीस यांनी म्हटलं आहे.

मायकल लोबो (Michael Lobo) यांनी भाजप सोडल्यामुळे काहीही फरक पडणार नाही. त्यांनी भाजपचा जेवढा फायदा घ्यायचा तेवढा घेतलाय. आता लोबोंना त्यांच्यासोबत पत्नीचंही तिकीट हवं आहे. काँग्रेस ते देतंय, त्यामुळे लोबोंच्या जाण्याने नुकसान न झाल्याचं फडणवीसांनी स्पष्ट केलं.