पणजी: राज्यातील अभयारण्यांचे संरक्षण आणि संवर्धन करण्याबरोबरच अभयारण्य अंतर्गत ‘इको टुरिझम’ प्रकल्प विकसित करण्यात येणार आहे. त्यामुळे स्थानिकांना रोजगार आणि पर्यटकांना आकर्षित करण्यावर भर दिला जाणार असल्याची माहिती वनमंत्री विश्वजीत राणे यांनी दिले आहे.

(develop sanctuaries in goa state)

वन विभागाचे नवे सल्लागार विनय लुथरा, प्रधान मुख्य वनसंरक्षक राजीवकुमार गुप्ता, मुख्य वनसंरक्षक संतोष कुमार यांच्यासोबत बैठक झाली.

सफारी पार्क उभारणार

राज्यातील अस्तित्वात असलेल्या अभयारण्यांपैकी खोतीगाव, भगवान महावीर पार्क, नेत्रावळी यापैकी एका ठिकाणी वनजीवांसाठीचा मोठा अधिवास निर्माण करून सफारी पार्क उभारण्याचा राज्य सरकारचा विचार आहे. यासाठी प्रयत्न सुरू आहेत. हे काम एका रात्रीत होणार नसून ते टप्प्याटप्प्याने होईल, असे राणे म्हणाले.

‘झु’ पेक्षा अधिवास महत्त्वाचा : खात्याला राज्यात नवे प्राणीसंग्रहालय निर्माण करायचे नाही तर सध्याचे बोंडला प्राणीसंग्रहालयाला कॉर्पोरेट फंडिंगमधून विकसित केले जाईल. कॉर्पोरेट्सकडून निधी मिळवला जाईल, परंतु सुविधेचे संपूर्ण व्यवस्थापन वन विभागाकडे असेल, असे मंत्री राणे म्हणाले.