राज्यातील वाढत्या गुन्हेगारीच्या घटनांवर आळा घालण्यासाठी गोवा पोलीस प्रशासन नेहमीच सतर्क असते. याच पार्श्वभूमीवर एक धक्कादायक बातमी समोर आली आहे. फातोर्ड्यातील अंबाजी वाड्यावर एक कुजलेल्या अवस्थेतील हात आढळून आला आहे.

याबाबत परिसरातील नागरिकांनी त्वरित पोलिसांना बोलावले असून फातोर्डा पोलीस संबंधित घटनेचा अधिक तपास करत आहेत. पोलिसांनी दिलेल्या माहितीनुसार, त्या भागातील काहीजण बेपत्ता असल्याच्या तक्रारी नोंदवल्या गेल्या आहेत. (Decomposed Hand Found in Fatorda)

ज्याअर्थी कुजलेल्या अवस्थेतील एक हात सापडतो याचाच अर्थ कुणाचा तरी मृत्यू झाला असल्याची शक्यता आहे. मात्र अद्याप तपासाला सुरुवातच केली असून तो हात नेमका कुणाचा आहे किंवा खरंच कुणाचा मृत्यू झाला आहे का? याबाबत पोलीस तपास करत आहेत.

ते म्हणाले की, एकंदरीत पाहता घटना दुसरीकडे कुठेतरी घडली असून श्वानाने हा अर्धा कुजलेला हात आणून रहिवासी भागात टाकला असण्याची शक्यता आहे. तरी पोलीस पथक या घटनेचा शोध घेण्यासाठी कामाला लागले आहे.