Dabolim Hit and Run Case : दाबोळी येथे एक 'हिट अँड रन'चा प्रकार समोर आला आहे. या अपघातात 23 वर्षीय युवकाचा मृत्यू झाला आहे. घटनेची माहिती मिळताच पोलिस घटनास्थळी पोचले. धडक देणाऱ्या वाहन चालकाला पोलिसांनी ताब्यात घतले आहे.
वास्को पोलिसांनी दिलेल्या माहितीनुसार, ही 'हिट अँड रन'ची घटना शुक्रवारी रात्री घडली. रस्त्याने जाणाऱ्या दाबोळी विमानतळावरील कर्मचाऱ्याला रात्री कारची धडक बसली. निखील शाजू (23) असे त्या युवकाचे नाव असून तो केरळा येथील आहे. या धडकेत तो गंभीर जखमी झाला. तर कारचालक घटनास्थळावरुन फरार झाला.
पहाटे तेथून जाणाऱ्या एका विमानतळावरील कर्मचाऱ्याने निखील याला पाहिले व याबाबतची पोलिसांना कल्पना दिली.
घटनेची माहिती मिळताच पोलिस घटनास्थळी दाखल झाले. निखीलला चिखली येथील रुग्णालयात उपचारासाठी दाखल करण्यात आले. मात्र त्याचा मृत्यू होता.
पोलिसांना घटनास्थळी पंचनामा करताना कारची पुढील नंबरप्लेट अर्ध्या तुटलेल्या अवस्थेत मिळाली. पोलिसांनी त्याच्या आधारे तपास राबवित कारचालकाला अटक केली. संदिप मालवणकर (38) असे अटक करण्यात आलेल्या संशयिताचे नाव आहे. पोलिस पुढील तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.