फोंडा: कुर्टी - खांडेपार पंचायतीच्या सरपंचपदी नावेद तहसीलदार यांची बिनविरोध निवड करण्यात आली. सध्या या पंचायतीत उपसरपंचपदी असलेल्या परवीन बानो तहसीलदार या नावेद तहसीलदार यांच्या पत्नी असल्याने सध्या या पंचायतीत पती सरपंच तर पत्नी उपसरपंच अशी स्थिती आहे.

भारतीय जनता पक्षाचा पाठिंबा नूतन सरपंचाला लाभला आहे.कुर्टी-खांडेपारचे माजी सरपंच नीळकंठ नाईक यांच्यावर अविश्‍वास ठराव आणल्यानंतर रिक्त जागेसाठी शुक्रवारी बैठक घेतली होती.

यावेळी नावेद तहसीलदार, परवीन बानो तहसीलदार, हरेश नाईक, मनीष नाईक, अभिजीत गावडे, साजिदा सय्यद व संजना नाईक उपस्थित होते. फोंडा गटविकास कार्यालयाचे विस्तार अधिकारी सोमनाथ तारी व पंचायत सचिव सचिन नाईक यांनी ही सरपंच निवडणूक घेतली.