मडगाव: उमेदवारी अर्ज भरताना गर्दी करून माहामारी पसरण्याची शक्यता निर्माण केल्याने काल गुरुवारी मडगावात उमेदवारी अर्ज भरलेले उमेदवार आणि त्यांचे असंख्य समर्थकां विरोधात फौजदारी स्वरूपाचा गुन्हा फातोर्डा पोलिसांत Fatorda Police नोंद करण्यात आला आहे.(Criminal record against candidates for rushing to fill up application for goa assembly election)

हे उमेदवार आणि त्यांच्या समर्थकांवर भादंसंच्या 188 (सरकारी आदेशाचे उल्लंघन करून कामकाजात व्यत्यय आणणे) आणि 269 (गर्दी करून रोगराई पसरविण्या सारखे वातावरण तयार करणे) या कलमाखाली गुन्हा नोंद केला आहे.

उप जिल्हाधिकारी विनायक वळवईकर यांच्या तक्रारींवर ही कारवाई केली आहे. उमेदवारी अर्ज भरताना फक्त चार माणसे आणावीत असा आदेश असतानाही काल कित्येक उमेदवारांनी लोकांना बोलावून शक्ती प्रदर्शन केले होते. त्यामुळे अर्ज भारण्यांच्या ठिकाणी लोकांची अफाट गर्दी झाली होती. कोविडच्या COVID-19 पार्श्वभूमीवर ही कारवाई करण्यात आली आहे.