Margao: नेत्रावळीच्या माजी सरपंच रजनी गावकर व उपसरपंच अभिजित देसाई यांच्यासह एकूण सात जणावर आरोपपत्र दाखल करण्यात आले आहे. धबधब्यावर जाणाऱ्या पर्यटकांकडून बेकायदेशररित्या टोल वसूल करून भ्रष्टाचार केल्याचा आरोप त्यांच्यावर आहे. गुन्हे शाखेकडून आज (गुरूवारी) याप्रकरणी सत्र न्यायालयात आरोपपत्र दाखल केले आहे.

(Crime Branch filed chargesheet against former Netravali Sarpanch Rajani Gaonkar and Deputy Abhijit Desai)

पोलीस निरीक्षक नॅथन आल्मेदा यांनी या प्रकरणी आरोपपत्र दाखल केले असून, राखी नाईक यांनी याबाबत तक्रार दाखल केली आहे.

दक्षिण गोव्याचे सत्र न्यायाधीश इर्शाद आगा यांच्या न्यायालयात भ्रष्टाचार प्रकरणी आरोपपत्रात दाखल केले आहे. रजनी गावकर, अभिजित देसाई यांच्यासह प्रकाश भगत, विठ्ठल गावकर, संतोष नाईक, अर्चना गावकर व आंतोनिया कोस्ता यांना याप्रकरणात आरोपी करण्यात आले आहे.

कोकेन बाळगल्याप्रकरणी पुण्यातील युवकाला अटक

कोकेन बाळगल्याप्रकरणी पुण्यातील युवकाला पर्वरी पोलिसांनी अटक केली आहे. ऋतुराज पांडे (वय 25, रा. पुणे) असे या युवकाचे नाव आहे. संशयित आरोपीकडून आठ लाख रूपये किंमतीचे 80 ग्रॅम कोकेन जप्त करण्यात आले आहे.