मडगाव: गोव्यातील मंत्रिमंडळ शपथविधीसाठी पंतप्रधान नरेंद्र मोदी हे सोमवारी (28 मार्च) गोव्यात येत आहेत. या पार्श्वभूमीवर आज राज्यातील उद्योजकांच्या प्रमुख संघटनांनी प्रसिद्धीस दिलेल्या संयुक्त पत्रकात गोव्यात औद्योगिक गुंतवणूकदारांसाठी पोषक वातावरण तयार करा आणि उद्योगांशी संबंधित असलेल्या महामंडळाच्या अध्यक्षपदी राजकारण्यांची नियुक्ती न करता अनुभवी व्यावसायिकांची नेमणूक करा अशी कळकळीची विनंती केली आहे.गोवा चेंबर ऑफ कॉमर्स, गोवा उद्योजक संघटना, क्रेडाय आणि व्हीआयए या चार प्रमुख उद्योजक संघटनांनी हे संयुक्त निवेदन दिले आहे.
मुख्यमंत्री प्रमोद सावंत हे उद्योजकांचे म्हणणे आस्थापूर्वक ऐकून त्यावर तोडगा काढण्याचा प्रयत्न करतात त्याबद्दल त्यांचे आभार मानतानाच गोव्यात जास्तीत जास्त लोकांनी गुंतवणूक करावी यासाठी बरेच काही करण्याचे बाकी आहे याकडे त्यांनी पंतप्रधानांचे लक्ष वेधण्याचा प्रयत्न केला आहे.
प्रशासनात पारदर्शकता आणण्याबरोबरच भ्रष्टाचार निपटून काढण्याबरोबरच उद्योगांना जलदगतीने परवाने देण्याची गरज आहे. अनेक तपासण्या आणि वार्षिक नूतनीकरण यांसारख्या किचकट पद्धतीतून उद्योगांना मुक्त केले पाहिजे. परवाना आणि मंजुरी प्रक्रिया जलद करण्यासाठी वाटल्यास एखाद्या व्यावसायिक एजन्सीचे सहकार्य घ्यावे अशी सूचनाही केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.