Corgao Shiv Jayanti

पेडणे, हिंदवी स्वराज्याची स्थापना करताना छत्रपती शिवाजी महाराजांना अनेक बिकट अशा प्रसंगाना सामोरे जावे लागले.

अनेक अडचणी आल्या पण अशा प्रसंगावेळी हार न मानता शिवाजी महाराज आपले ध्येय नजरेपुढे ठेवून मार्गक्रमण करत बिकट प्रसंगावर मात केली.

विद्यार्थी आणि युवकांनी शिवाजी महाराजांचा आदर्श आपल्या पुढे ठेवून जीवनात हार न मानता आपले उद्दिष्ट पुढे न्यावे, असे प्रतिपादन मांद्रेचे आमदार जीत आरोलकर यांनी केले.

कोरगाव शिवजयंती समारोह समितीच्या वतीने कोरगाव येथे आयोजित शिवजयंती सोहळ्यात ते बोलत होते.

याप्रसंगी जिल्हा पंचायत सदस्य सतीश शेटगावकर, सरपंच अनुराधा कोरगावकर, उपसरपंच कल्पिता कलशावकर, पंच अब्दुल करीम यासीन नाईक, उमेश चारी, नीता नर्से, दिवाकर जाधव, देविदास नागवेकर, लौकिक शेट्ये,

माजी उपसरपंच रामा शेट्ये, कमळेश्वर देवस्थानाचे अध्यक्ष गुरुनाथ प्रभू, कमळेश्वर शिक्षण प्रसारक संस्थेचे अध्यक्ष श्याम शेट्ये, उल्हास देसाई, प्रा. सुदन बर्वे, संतोष पालयेकर आदी मान्यवर उपस्थित होते.

प्रा. सुदन बर्वे व उद्योजक श्याम शेट्ये यांची यावेळी समयोचित भाषणे झाली. यावेळी विद्यार्थ्यांनी पोवाडे व गाणी सादर केली. मानशीवाडा सरकारी प्राथमिक शाळेच्या विद्यार्थ्यांनी शिवाजी महाराजांवर आधारित नाटिका सादर केली.