सांगे: सांगेचे आमदार सुभाष फळदेसाई यांची गोवा राज्य विधानसभा उपसभापतिपदी निवड केल्याबद्दल सांगे वैश्य समाजातर्फे त्यांचे अभिनंदन करण्यात आले आहे. यावेळी माजी नगराध्यक्ष संजय (आबुली) रायकर म्हणाले, की प्रथमच उपसभापती सारख्या पदावर सांगे मतदारसंघातून निवडून आलेल्या व्यक्तीची निवड केली आहे. याबद्दल सांगेवासीयांना आनंद होत असून सांगे वैश्य समाजसुद्धा या आनंदात सहभागी होत आहे. त्यामुळे सांगेतील वैश्य बांधवांनी एकत्र येऊन उपसभापती सुभाष फळदेसाई यांचा सन्मान केला आहे.

यावेळी सांगेतील वैश्य समाज मोठ्या प्रमाणात या कार्यक्रमात सहभागी झाला होता. उपसभापती सुभाष फळदेसाई म्हणाले, की आपल्या निवडणूक काळात सांगेतील वैश्य समाज आपल्या पाठीशी ठामपणे उभा राहिला होता म्हणून सांगे भागात आपल्याला अधिक मताधिक्य प्राप्त होऊ शकले आहे. यावेळी अनेक वैश्य बांधवांनी फळदेसाई यांचेअभिनंदन केले.