Porvorim Accident सध्या गोव्यात पर्यटन हंगाम सुरु असून विविध राज्यातील पर्यटक गोव्यात दाखल होत आहेत. वाढते ट्रॅफिक आणि बेशिस्तपणे वाहन चालवणे अशा प्रकारांमुळे गोव्यात अपघातांची संख्याही दिवसेंदिवस वाढत आह.

असेच एक प्रकरण नुकतेच समोर आलेआहे. पुण्याहून गोव्यात पारायणासाठी आलेल्या तरुणांच्या एका ग्रुपने पर्वरी येथे झालेल्या किरकोळ अपघातानंतर स्थानिकांसमवेत 'दादागिरी' करण्याचा प्रकार घडलाय.

मिळालेल्या माहितीनुसार पर्वरीतील चोगम रस्त्यावर पुण्याहून आलेल्या पर्यटकांच्या गाडीची धडक एका स्थानिक कारला बसली.

संबंधित कार चालकाने या घटनेचा जाब पर्यटकांना विचारला असता त्यांनी सदर कारच्या बॉनेटवर बसून गोंधळ घालण्याचा प्रयत्न केला.

या प्रकारानंतर स्थानिकांनी त्या पर्यटकांना चांगलेच धारेवर धरले. त्यानंतर पर्यटकांनी घडलेल्या प्रकाराबद्दल संबंधित कार चालकाची माफी मागितली दरम्यान पर्वरी पोलिसांनी घटनास्थळी दाखल होत अपघाताचा पंचनामा केला.