म्हापसा: कोमुनिदादींच्या जमिनींवर केवळ गावकार व भागधारकांचाच अधिकार आहे. त्यात हस्तक्षेप करण्याचा राज्य सरकारला कोणताच अधिकार नाही, असे उत्तर गोव्यातील कोमुनिदादींच्या प्रमुखांनी ठणकावून सांगितले.
'कोमुनिदादीचे रक्षण करा व गोवा वाचवा' या बॅनरखाली बुधवारी (ता.१६) आसगाव कोमुनिदाद कार्यालयात जागृती बैठक पार पडली. यावेळी उत्तरेतील कोमुनिदादींचे प्रतिनिधी उपस्थित होते. सरकारने कोमुनिदाद जमिनींवरील बेकायदेशीर बांधकामे नियमित करण्याचा प्रयत्न केल्यास, त्याला सर्वोच्च न्यायालयात आव्हान दिले जाईल, असा पुनरुच्चार यावेळी करण्यात आला.
सरकारने जो निर्णय घेतलाय, त्याचा आम्ही प्रखर विरोध करतो. सर्व समित्या एका ठराविक संघटनेच्या बॅनरखाली येऊन पुढील दिशा ठरवतील.रुइल्डो डिसोझा
असे पाऊल उचलल्यास बेकायदा बांधकामे फोफावतील अन् नीज गोंयकार जे कायदेशीर मार्गाने बांधकामे उभारतात, त्यांच्यावर हा अन्याय केल्यासारखे होईल. त्यामुळे आमचा सरकारच्या निर्णयाला तीव्र आक्षेप आहे, असे स्पष्ट करण्यात आले. आसगाव कोमुनिदादचे अध्यक्ष रूइल्डो डिसोझा यांच्या अध्यक्षतेखाली आजची (१६ जुलै) बैठक झाली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.