पणजी : विविध प्रकारच्या घटनांच्या कॉल्सला सामोरे जाताना संवाद कौशल्य हे महत्त्वाचे असते. लोकांच्या समस्या लक्षपूर्वक ऐकणे तसेच संकटात असलेल्या व्यक्तीशी कुशलतेने तसेच सभ्य व प्रभावीपणे संवाद साधणे हे पोलिसांचे कर्तव्य आहे, असे आवाहन पोलिस महासंचालक जसपाल सिंग यांनी केले. (Communicate effectively with people says Jaspal Singh)

पोलिस खात्याच्या पोलिस नियंत्रण कक्ष व उद्योजकता संचालनालयाच्या समन्वयाने आल्तिनो येथील अधिकृत अधिकाऱ्यांच्या सभागृहात हेल्पलाईनवर काम करणाऱ्या संबंधित अधिकारी, पोलिसांन हेल्पलाईन प्रशिक्षणाचा कार्यक्रम आयोजित करण्यात आला होता. उपस्थितांना सुटसुटीत कौशल्य विकास व प्रभावी संवाद या विषयावर प्रशिक्षण देण्यात आले.

उद्‍घाटन महासंचालक सिंग यांच्या हस्ते झाले. महानिरीक्षक ओमवीर सिंग, कौशल्य विकास व उद्योजकता संचालक दीपक देसाई, अधीक्षक निधीन वाल्सन वालिस व उपअधीक्षक रॉय परेरा यांची उपस्थिती होती.

कौशल्यावर भर द्या : महासंचालक जसपाल सिंग यांनी समाजाची सेवा करण्याच्या पोलिसांच्या कर्तव्यावर भर देताना ते म्हणाले की, पोलिसांनी नेहमी सकारात्मक दृष्टीकोन ठेवण्याची गरज आहे. कोणत्याही प्रसंगाला सामोरे जातना त्यांची देहबोली व कौशल्य यावर अधिक भर द्यायला हवा. यावेळी उदाहरण देताना म्हणाले की, हेल्पलाईनवर एखाद्याने करून आपण आत्महत्या करत असल्याचे सांगितले.