Transport Minister Mavin Gudinho: राज्यातील प्रत्येक गावात कदंबची बससेवा पोहोचविण्यासाठी सरकार कटिबद्ध आहे. विजयादशमी दिवशी कदंब महामंडळाने आणखी बससेवेत वाढ केली आहे.
त्यामुळे भविष्यात सर्वसामान्यांना सरकारतर्फे आणखी चांगली सेवा मिळेल, असे वाहतूकमंत्री माविन गुदिन्हो यांनी सांगितले.
दाबोळी-वाडे येथे राष्ट्रीय मार्गाच्या बाजूस ‘आयन मॅटल कॉ.’तर्फे व्यावसायिक सामाजिक जबाबदारी ओळखून बसथांबा उभारण्यात आला आहे. त्याचे लोकार्पण विजयादशमीला मंत्री गुदिन्हो यांच्या हस्ते करण्यात आले.
यावेळी चिखली सरपंच कमलाप्रसाद यादव, उपसरपंच ऐश्वर्या कोरगावकर, दाबोळी भाजप गटाध्यक्ष संदीप सूद, मुरगावचे माजी उपनगराध्यक्ष सुदेश कोलगावकर, कायतान परेरा, राहुल केणी, सोनल तळर्णकर, प्रकाश गावस व नागरिक उपस्थित होते.
वाडे-वास्को येथे बसथांब्याची उभारणी केल्याने शालेय विद्यार्थी, शिक्षक तसेच नागरिकांची चांगली सोय होणार आहे. सरकार कदंब वाहतूक मंडळात खासगी बसेसबरोबर गोवा माईल्सलाही सामावून घेणार आहे. त्यामुळे राज्यातील जनतेला चांगली सेवा उपलब्ध होईल.- माविन गुदिन्हो, वाहतूकमंत्री
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.