Two girls who kidnapped from Goa: गोव्यातील दोन मुलींचे अपहरण केल्याची घटना उघडकीस आली असून, त्यांना कर्नाटकातील हुबळी येथे ओलीस ठेवण्यात आले. कोलवाळ पोलिसांनी कारवाई करत मुलींची सुखरूप सुटका केली आहे. याप्रकरणी तीन जणांना पोलिसांनी अटक केली आहे.

Colvale police rescues 2 girls who kidnapped from Goa and kept hostage at a house at Hubli

पोलिसांनी दिलेल्या माहितीनुसार, अस्नोडा येथील हिंदू आणि मुस्लिम समाजातील दोन मुलींना हुबळी येथील एका घरात डांबून ठेवण्यात आले. पालकांनी मुली बेपत्ता झाल्याची तक्रार पोलिस ठाण्यात दिली. जिवबा दळवी यांच्या नेतृत्वाखाली पोलिसांची एक टीम तयार करण्यात आली आणि तपासाला सुरूवात झाली.

पोलिसांनी रेस्क्यू ऑपरेशन करत हुबळी येथून दोन मुलींची सुखरूप सुटका केली. पोलिसांनी अपहरण करणाऱ्या तिघांना अटक केली आहे.

मुलींच्या अपहरणाच्या कारणाचा सध्या पोलिस शोध घेत आहेत. दोन्ही मुली सुखरूप असल्याची पोलिसांनी पुष्टी केली आहे. मुलींना परत आणल्यानंतर त्यांची कुटुंबीयांसोबत भावनिक भेट झाली.

पोलिसांनी तीन जणांना अटक केली असून, त्यांच्याकडून अपहरणाबाबत अधिक चौकशी केली जात आहे.