State-wide Campaign Launched to Promote PM Insurance Schemes

पणजी: राज्यातील प्रत्येकाने आपला विमा उतरवावा, असे आवाहन मुख्यमंत्री डॉ. प्रमोद सावंत यांनी पर्वरी येथे केले. आपल्यामागे राहणाऱ्या कुटुंबीयांना आर्थिक दिलासा देण्यासाठी विमा उतरवला पाहिजे. केंद्र सरकारने बॅंकांच्या माध्यमातून अल्प दरात विमा उतरवण्याची सोय केल्याचे ते म्हणाले.

पंतप्रधान सुरक्षा विमा योजना आणि पंतप्रधान जीवन ज्योती विमा योजनेच्या जागरूकता मोहिमेवर दोन वाहने राज्यभरात पाठवण्यात आली आहेत. त्यांना हिरवा झेंडा दाखवल्यानंतर मुख्यमंत्र्यांनी हे आवाहन केले. यावेळी नियोजन व सांख्यिकी संचालक विजय सक्सेना उपस्थित होते.

त्यांनी अपघाती मृत्यूच्या विमा संरक्षणाची तातडीची गरज असल्याचे अधोरेखित केले. राज्यात वाहन अपघातांचे प्रमाण वाढत आहे. त्यामुळे प्रत्येकाने विमा उतरवला पाहिजे. जानेवारी २०२५ पर्यंत गोव्यात १०० टक्के नागरिकांना विमा संरक्षण देण्याचे लक्ष्य ठेवण्यात आले आहे.