CM Pramod Sawant: मुख्यमंत्री डॉ. प्रमोद सावंत हे आज, शनिवारी त्यांचा मतदारसंघ असलेल्या साखळीमध्ये होते. त्यांनी तिथे राज्यभरातून आलेल्या लोकांच्या समस्या ऐकल्या. ज्यांची सोडवणूक लगेच शक्य आहे तिथे संबंधितांना त्यांनी लगेचच तशा पद्धतीच्या सूचना केल्या.

दरम्यान, राज्यभरातून काही जण आज साखळीत आले होते. त्यांनी शासकीय कामांबाबतच्या आपल्या वैयक्तिक समस्या मुख्यमंत्र्यांसमोर मांडल्या. मुख्यमंत्र्यांनी सर्वांचा तक्रारी, समस्या ऐकून घेतल्या. तसेच या तक्रारींच्या सोडवणुकीसाठी योग्य त्या सूचना संबंधितांना दिल्या.

मुख्यमंत्री सावंत अनेकदा साखळीत असा उपक्रम घेत असतात. या पूर्वीही साखळीतील अशा कार्यक्रमांतून अनेकांच्या समस्यांचे निराकरण करण्यात आले आहे.

त्यामुळेच संधी मिळेल तेव्हा मुख्यमंत्री अशा कार्यक्रमातून लोकांच्या समस्या मार्गी लावण्याचे काम करत असतात आणि त्यातून लोकांचीही कामे होत असल्याने लोकांनाही समाधान वाटते.