Goa Tourist Traffic Rules Violations: कळंगुट-बागा परिसरात मद्यधुंद पर्यटकांनी धिंगाणा घातल्याचा व्हिडिओ समाजमाध्यमांवर व्हायरल झाला आहे. दोन वेगवेगळ्या कारमध्ये मद्यधुंद तरूण पर्यटकांनी कळंगुट-बागा परिसरातील रस्त्यावर कार चालवताना वाहतूकीचे नियम पायदळी तुडवत धुगगूस घातला आहे.
यापैकी एका कारमध्ये एक जण चालत्या कारच्या बॉनेटवर बसलेला दिसून येतो. ही कार याच पद्धीतने या परिसरात फिरताना दिसत आहे. तर दुसऱ्या व्हिडिओमध्ये एक तरूण चालत्या कारच्या टपावर चक्क उभा राहिल्याचे दिसून येते.
हे दोन्ही व्हिडिओ सोशल मीडियात व्हायरल झाले आहे. यातील पहिली कार ही महाराष्ट्र पासिंगची आहे.
काही स्थानिकांनी त्यांना सांगुनही या पर्यटकांमध्ये काहीही फरक पडला नाही. ते अशाच पद्धतीने चालले होते. दरम्यान, गोव्यातून या दोन्ही कारमधील पर्यटकांवर कडक कारवाई करावी, अशी मागणी होत आहे.
अशा पद्धतीने वाहतुकीच्या नियमांचा भंग करून स्वतःच्या तसेच इतरांच्या जीविताला धोका निर्माण केल्याबद्दल यांना शोधून त्यांच्यावर गुन्हा दाखल करावा, त्यांच्यावर कडक कारवाई करण्यात यावी, अशा प्रतिक्रिया या प्रकारावरून उमटल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
