गोवा: आज मुख्यमंत्र्यांच्या हस्ते ग्रामीण भागातील विद्यार्थ्यांना स्प्रिंगबोर्ड टॅबलेटचे वाटप करण्यात आले. या टॅबलेट वाटपाच्या कार्यक्रमात बोलताना मुख्यमंत्री डॉ. प्रमोद सावंत म्हणले की राज्यात सध्या अनुदानित शाळांपेक्षा सरकारी शाळांना प्राधान्य दिले जात आहे, आणि यातून सरकारी शाळांकडे बघण्याची दृष्टी बदलत असल्याचा प्रत्यय येतो.

सरकारकडून नेहमीच सरकारी शाळांची वाढ व्हावी म्हणून प्रयत्न केले जातात आणि आता अधिकाधिक विद्यार्थ्यांचा कल सरकारी शाळांकडे झुकलेला पाहता या प्रयत्नांना यश मिळताना दिसते.

मुख्यमंत्र्यांनी विद्यार्थ्यांना केलेले स्प्रिंगबोर्ड टॅबलेटचे वाटप ही राज्यातील टेक्नॉलॉजिकल प्रगती म्हटली आहे. विद्यार्थ्यांमधील डिजिटल कौशल्ये सुधारावीत म्हणून हा उपक्रम महत्वाचा असल्याचे त्यांनी नमूद केले.

टेक्नॉलॉजी ही बदलत्या शिक्षण पद्धतींमधला महत्वाचा टप्पा आहे आणि हीच टिक्नॉलॉजी ग्रामीण विद्यार्थ्यांपर्यंत पोहोचवल्याबद्दल त्यांनी इन्फोसिस स्प्रिंगबोर्डचे कौतुक केले. या टेक्नॉलॉजीमुळे विद्यार्थ्यांना नवीन स्वप्न बघण्याची प्रेरणा मिळणार आहे तसेच राज्यातील विद्यार्थ्यांनी नेहमीच करियरच्या नवनवीन संधी शोधात राहाव्यात असे म्हणत त्यांनी सर्व विद्यार्थ्यांना प्रोत्साहन दिले.