Cleanliness Campaign :

आगोंद, राज्य जैवविविधता मंडळाच्या मार्गदर्शनाखाली बुधवारी आगोंद जैवविविधता व्यवस्थापन समितीतर्फे एकूण तीन ठिकाणी स्वच्छता मोहीम राबवून जागतिक पर्यावरण दिनाबाबत जागृती करण्यात आली.

यावेळी आगोंद जैवविविधता व्यवस्थापन समितीचे अध्यक्ष शाबा नाईक गावकर, सदस्य नारायण देसाई, विनोद फळदेसाई, केतन फळदेसाई, सज्जन फळदेसाई व पंचायत सफाई कर्मचारी सहभागी झाले होते.

पावसाला अजून सुरवात झाली नसल्याने रोपटी लावण्याचा कार्यक्रम आम्हाला पुढे ढकलावा लागला. त्यामुळे आगोंद पंचायत क्षेत्रातील काराशीरमळ, पार्वे व वाल या ठिकाणी स्वच्छता मोहीम राबवण्यात आली, असे अध्यक्ष शाबा नाईक गावकर यांनी सांगितले.