राज्याला उत्सुकता लागून असलेल्या बहुचर्चित नव्या झुआरी पुलावर स्थानिक तसेच पर्यटकांची फोटो व सेल्फी काढण्यासाठी गर्दी उसळली होती. यावेळी स्थानिकांनी गिटारच्या साथीने गाणीही गायली. पुलाला आकर्षक अशी विद्युत रोषनाई करण्यात आली होती. शनिवारी मुख्यमंत्री डॉ. प्रमोद सावंत यांनी नवीन झुआरी पुल स्थानिक तसेच पर्यटकांसाठी खुला करण्यात येईल. सर्वांनी नवीन झुआरी पुलावरुन नयनरम्य दृष्य पहावे असे आवाहन केले होते.

दक्षिण गोव्याला जोडणाऱ्या या नवीन केबल स्टेट ब्रिजचे 29 डिसेंबर रोजी केंद्रीय रस्ते आणि वाहतूक मंत्री नितीन गडकरी यांच्या हस्ते उद्घाटन करण्यात येणार आहे. नवीन जुवारी पूल 25 ते 28 डिसेंबरपर्यंत फोटोग्राफीसाठी सायंकाळी 5 ते रात्री 8 वाजेपर्यंत जनतेसाठी खुला असेल आणि पूल 29 डिसेंबरपासून वाहतुकीसाठी खुला होईल असे मुख्यमंत्री प्रमोद सावंत यांनी जाहीर करताच आज रविवारी पहील्याच दिवशी स्थानिक तसेच पर्यटकांची गर्दी उसळली होती.