I-League Football Tournament: आय-लीग फुटबॉल स्पर्धेच्या पहिल्या टप्प्यातील पराभवाची परतफेड करताना चर्चिल ब्रदर्सने शुक्रवारी ऐजॉल एफसीवर 2-0 फरकाने विजय नोंदवला. वास्को येथील टिळक मैदानावर लढत झाली.

दरम्यान, ऐजॉल एफसीने गेल्या 28 मार्च रोजी चर्चिल ब्रदर्सवर 4-0 फरकाने दणदणीत विजय मिळवला होता, पण पाहुण्या संघाला शुक्रवारी त्या कामगिरीची पुनरावृत्ती करता आली नाही. माजी आय-लीग विजेत्यांना लुईस ओगाना याने सातव्या मिनिटास आघाडी मिळवून दिली. नंतर ऐजॉलचा बदली खेळाडू लाल्मुआनॉमा याने 90व्या मिनिटास केलेल्या शानदार गोलमुळे 90 व्या मिनिटास चर्चिल ब्रदर्सच्या विजयावर शिक्कामोर्तब झाला.

दुसरीकडे, चर्चिल ब्रदर्सचा हा 23 सामन्यांतील आठवा विजय ठरला. 30 गुणांसह त्यांचे आठवे स्थान कायम राहिले. ऐजॉल एफसीला नववा पराभव पत्करावा लागला, त्यामुळे 22 सामन्यानंतर त्यांचे 25 गुण आणि नवव्या क्रमांकात फरक पडला नाही. चर्चिल ब्रदर्सचा पुढचा सामना 10 एप्रिलला वास्को येथेच राजस्थान युनायटेडविरुद्ध होईल.