Special Railway: हिवाळा व नाताळ सुट्टीनिमित्त रेल्वेने खास प्रवासी रेल्वे गाड्यांची व्यवस्था केली आहे. १) ट्रेन क्रमांक ०१४५३ - लोकमान्य टिळक ते मंगळुरु - ही गाडी लोकमान्य टिळक मुंबई स्थानकावरून शुक्रवार २२ व शुक्रवार २९ डिसेंबर रोजी रात्री १०.१५ वाजता सुटेल व मंगळुरुला दुसऱ्या दिवशी संध्याकाळी ५.०५वाजता पोहचेल. २) ट्रेन क्रमांक ०१४५४ - मंगळुरु ते लोकमान्य टिळक मुंबई.

ही गाडी मंगळुरुहुन शनिवार २३ व शनिवार ३० डिसेंबर असे दोन दिवस संध्याकाळी ६.४५ वाजता सुटेल व लोकमान्य टिळक मुंबईला दुसऱ्या दिवशी दुपारी २.२५ वाजता पोहचेल. ३) ट्रेन क्रमांक ०१४५५ - लोकमान्य टिळक मुंबई ते करमळी - ही गाडी रविवार २४ व रविवार ३१ डिसेंबर २०२३ रोजी लोकमान्य टिळक स्थानकावरून रात्री १०.१५ वाजता सुटेल व करमळी स्थानकावर दुसऱ्या दिवशी सकाळी ११.१५ वाजता पोहचेल.

४) ट्रेन क्रमांक ०१४५६ - करमळी ते लोकमान्य टिळक - ही गा़डी सोमवार २५ डिसेंबर व १ जानेावारी २०२४ असे दोन दिवस करमळीहुन सकाळी ११.४५ वाजता सुटेल व लोकमान्य टिळक स्थानकावर त्याच दिवशी रात्री ११.४५ वाजता पोहचेल.

५) ट्रेन क्रमांक ०११५५ - लोकमान्य टिळक ते मंगळुरु ही गाडी मंगळवार २६ डिसेंबर व २ जानेवारी २०२४ असे दोन दिवस लोकमान्य टिळक स्थानकावरून रात्री १०.१५ वाजता सुटेल व मंगळुरुला दुसऱ्या दिवशी संध्याकाळी ५.०५वाजता पोहचेल. ६) ट्रेन क्रमांक ०११५६ - ही गा़डी मंगळुरुहुन बुधवार २७ डिसेंबर व ३ जानेवारी २०२४ असे दोन दिवस संध्याकाळी ६.४५ वाजता सुटेल व लोकमान्य टिळक स्थानकावर दुसऱ्या दिवशी २.२५ वाजता पोहचेल. ७) ट्रेन क्रमांक ०१४५९ - लोकमान्य टिळक ते करमळी - ही गाडी लोकमान्य टिळक स्थानकावरून

२१ डिसेंबर व २८ डिसेंबर असे दोन दिवस रात्री १०.१५ वाजता सुटेल व करमळी स्थानकावर दुसऱ्या दिवशी सकाळी ११.१५ वाजता पोहचेल ८) ट्रेन क्रमांक ०१४६० करमळी ते लोकमान्य टिळक - ही गाडी २२ व २९ डिसेंबर २०२३ असे दोन दिवस करमळीहुन सकाळी ११.४५ वाजता सुटेल व लोकमान्य टिळक स्थानकावर त्याच दिवशी रात्री ११.४५ वाजता पोहचेल.