गोवा: उत्तर आणि दक्षिण गोव्यात आणखी 4-5 दिवस काही ठिकाणी गडगडाटांसह पाऊसाची शक्यता आहे. दोन्ही जिल्ह्यांसाठी आणखी तीन दिवस विजांचा कडकडाट आणि सोसाट्याच्या वाऱ्याचा इशारा गोवा हवामान खात्याकडून देण्यात आला आहे. कमाल तापमानात मागील 5 दिवसात मोठा बदल झालेला नाही.

(Chance of rain with thunderstorms in Goa for next 4-5 days)

उत्तर गोवा आणि दक्षिण गोवा जिल्ह्यांतील वेगवेगळ्या ठिकाणी विजांच्या कडकडाटासह हलका ते मध्यम पाऊस/गडगडाटी सरी आणि 40-50 किमी प्रतितास वेगाने वारे वाहण्याची शक्यता वर्तवली होती. दरम्यान आज पहाटे राज्यात काही ठीकाणी तुरळक पाऊस पडला, तर काही ठीकाणी मुसळधार पाऊस पडला आहे. राज्यात पडलेल्या मुसळधार पाऊसामुळे काही भागात मोठे नुकसान झाले आहे. तर काही भागात वीजपुरवठा खंडित झाला आहे.

मुसळधार पावसामुळे हळदोणा येथे वीजपुरवठा खंडित

आज पहाटे कोसळलेल्या मुसळधार पावसामुळे हळदोणा (Aldona) मतदारसंघातील अनेक भागांतील वीजपुरवठा खंडित झाला आहे. पोंबुर्फा येथे आंब्याचे झाड कोसळून वीज खांब आणि वाहिन्या तुटल्या आहेत.