मागील काही दिवसांपासून गोव्यात पावसाने थोडी विश्रांती घेतली होती. पावसाचे प्रमाण तुलनेत कमी दिसून आले आहे. असे असले तरी येत्या काही दिवसात मुसळधार पावसाची शक्यता व्यक्त करण्यात येत आहे.

हवामान विभागाने दिलेल्या माहितीनुसार, 4 ऑगस्टपासून उत्तर आणि दक्षिण गोवा जिल्ह्यांमध्ये काही ठिकाणी मुसळधार पावसाची शक्यता आहे. 4 ऑगस्टपासून कर्नाटक किनारपट्टी आणि गोव्याच्या किनारपट्टीवरील मच्छिमारांचा सतर्कतेचा इशारा देण्यात आला आहे.

त्यामुळे या काही दिवसात नागरिकांना खबरदारी घेण्याची गरज आहे.

दरम्यान, मासेमारी बंदी उठल्यावर आज खरे तर किमान 100 तरी ट्रॉलर मासेमारीसाठी समुद्रात जाण्याची आवश्यकता होती मात्र कुटबण येथे साळ नदीच्या मुखावर वाळूच्या पट्ट्याची भिंत उभी झाल्याने केवळ 10 ते 15 बोटीच मासेमारीसाठी दर्यात जाऊ शकल्या.