केंद्र सरकारला सेंट्रल वेअरहाऊसिंग कॉर्पोरेशन (CWC), गोवा शिपयार्ड लिमिटेड आणि गार्डन रीच शिपबिल्डर्स अँड इंजिनियर्स लिमिटेड (GRSE) या सार्वजनिक क्षेत्रातील कंपन्यांकडून लाभांश म्हणून 140 कोटी रुपये मिळाले आहेत.
यामध्ये अनुक्रमे CWC ने 42 कोटी रुपये, गोवा शिपयार्ड लिमिटेडने 30 कोटी रुपये आणि GRSE ने 68 कोटी रुपये दिले आहेत.
वित्त मंत्रालयाचे गुंतवणूक आणि सार्वजनिक मालमत्ता व्यवस्थापन (DIPAM) विभागाचे सचिव तुहीन कांत पांडे यांनी गुरुवारी याबाबत माहिती दिली.
CWC कडून सुमारे 42 कोटी रुपये, गोवा शिपयार्ड लिमिटेडकडून 30 कोटी रुपये आणि GRSE कडून लाभांश म्हणून 68 कोटी रुपये मिळाले आहेत. . DIPAM सचिवांच्या माहितीनुसार, सरकारला एकूण 140 कोटी रुपये लाभांश मिळाला आहे.
सेंट्रल वेअरहाउसिंग कॉर्पोरेशन हे भारत सरकारच्या ग्राहक व्यवहार, अन्न आणि सार्वजनिक वितरण मंत्रालयाच्या प्रशासकीय नियंत्रणाखालील सार्वजनिक क्षेत्रातील उपक्रम (CPSE) आहे. CWC गोदाम, लॉजिस्टिक व्यवस्थापन आणि संबंधित क्षेत्रात कार्यरत आहे.
तसेच, गोवा शिपयार्ड लिमिटेड ही भारताच्या पश्चिम किनाऱ्यावरील वास्को द गामा, स्थित एक भारतीय सरकारी मालकीची जहाज बांधणी कंपनी आहे.
तर, गार्डन रीच शिपबिल्डर्स अँड इंजिनियर्स लिमिटेड कोलकाता येथे असून, ही कंपनी भारतीय नौदलाच्या जहाजांपासून व्यापारी जहाजांपर्यंत सर्व काही निर्माण आणि दुरुस्ती करते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.