Sextortion Case: 'चॅट करो'वरुन डेटिंग पडले महागात; व्हिडिओ व्हायरल करण्याची धमकी, गोव्यातील एकाला 1.35 कोटींचा गंडा

Goa Sextortion Case

'चॅट करो'वरुन डेटिंग करणे गोव्यातील एका व्यक्तीला महागात पडल्याचे समोर आले आहे. डेटिंगच्या माध्यमातून दोघे एकमेकांच्या संपर्कात आले. दोघांचा आक्षेपार्ह व्हिडिओ व्हायरल करण्याची धमकी देत कर्नाटकातील टोळीने 1.35 कोटी रुपयांचा गंडा घातल्याचे समोर आले आहे.

याप्रकरणी वेर्णा पोलिस स्थानकात गुन्हा नोंद करण्यात आला फसवणूक आणि ब्लॅकमेलिंगचा गुन्हा नोंद करण्यात आला आहे.

आरोसी -कासावली येथील डेलानो बॉस्को फर्नांडीस (40) असे या सर्व प्रकारला बळी पडलेल्या व्यक्तीचे नाव असून, ते व्यवसायाने दर्यावर्दी आहेत. बॉस्को फर्नांडीस यांनी दिलेल्या तक्रारीनुसार, २०२० - २२ या काळात हा प्रकार घडला.

बॉस्को फर्नांडीस 'चॅट करो' या डेटिंग अॅपच्या माध्यामातून अंगडी मुकेरी येथील झीटा फर्नांडीस हिच्या संपर्कात आले.

दोघांचा व्हिडिओ कॉलच्या माध्यमातून संपर्क येत होता. दरम्यान, दोघांचा आक्षेपार्ह व्हिडिओ शेअर करण्याची धमकी देत बॉस्को फर्नांडीस यांच्याकडून 1.35 कोटी रुपये उकळण्यात आले, अशी माहिती पोलिसांनी दिली आहे.

याप्रकरणी आणखी दोघा संशयितांची नावे समोर आली आहेत. मेरी फर्नांडीस आणि शंकर जाधव अशी त्यांची नावे असून, दोघांविरोधात गुन्हा नोंद करण्यात आला आहे.

पोलिसांकडून याप्रकरणी फसवणूक आणि ब्लॅकमेलिंगचा गुन्हा नोंद करण्यात आला आहे. प्रकरण सायबर विभागाकडे वर्ग केले जाणार आहे.