पणजी, वाहतूक पोलिसांची सुरक्षा आणि त्‍यांच्‍या सोयीसाठी सेंट्रल बँक ऑफ इंडियातर्फे गोवा पोलिस मुख्यालयात वाहतूक पोलिसांना ५०८ रेनकोटचे वाटप केले. बँकेने ‘सीएसआर’ योजनेअंतर्गत हे रेनकोट दिले.

पणजी प्रादेशिक प्रमुख ओलिव्हिया परेरा यांनी गोव्याचे वाहतूक अधीक्षक राहुल गुप्ता (आयपीएस) आणि उपअधीक्षक सुदेश नार्वेकर यांच्याकडे सोमवारी (२२ जुलै) हे रेनकोट सुपूर्द केले.

यावेळी बँकेचे मुख्य व्यवस्थापक अजित कुमार, सुनील नाईक, साहाय्‍यक व्यवस्थापक डॉ. सुमेध हाडके, सागर शेवाले, नीरज तिवारी, चंदन सिन्हा आणि वाहतूक पोलिस अधिकारी उपस्थित होते. बँकिंग प्रोडक्ट, सायबर सुरक्षा, फसवणूक या विषयांवर चर्चा करण्यात आली.