Carambolim News : खांडोळा, करमळी येथील दुर्वा थिएटर्स आणि आदिवासी कल्याण संचालनालय, गोवा सरकार यांच्या संयुक्त विद्यमाने आयोजित खाद्यपदार्थ प्रदर्शन सोहळा कार्यक्रम करमळी येथील श्री कमलावती सभामंडपात पार पडला.

प्रमुख पाहुणे म्हणून विद्युत सहाय्यक अभियंता सुभाष कुट्टीकर यांच्या हस्ते उद्‍घाटन करण्यात आले. व्यासपीठावर प्रमुख अतिथी म्हणून फादर ऑग्नेल कॉलेजच्या प्रा. विंदिया गांवस, समाजसेवक लक्ष्मीकांत गांवस, नितीशा खांडेपारकर, सदू खोलकर, आदिवासी कल्याण खात्याच्या अधिकारी हर्षदा काणकोणकर व संस्थेचे अध्यक्ष किशोर माशेलकर हजर होते.

सुभाष कुट्टीकर म्हणाले, अशा उपक्रमांतून महिलांना स्वावलंबी बनण्यासाठी एक व्यासपीठ उपलब्ध होते. चूल आणि मूलपर्यत न राहता महिलांनी उद्योग व्यवसाय करून उदरनिर्वाह करावा. त्यासाठी आदिवासी खात्याने अशा योजना राबवून आदिवासी मुलांना चांगली सोय उपलब्ध करून दिली आहे.

बिंदिया गांवस, लक्ष्मीकांत गांवस यांनीही आपले विचार मांडले. सूत्रसंचालन मनाली प्रियोळकर यांनी केले, स्वागत संस्थेचे अध्यक्ष किशोर माशेलकर यांनी केले, तर आभार महेंद्र बांदोडकर यांनी मानले.