Car Parked near Madgaon Railway Station  Dainik Gomantak
गोवा

मडगाव रेल्वे स्थानक रस्त्यावर वाहतुकीला अडथळा

आझाद नगरीच्या गाड्यांमुळे गैरसोय, स्थानिकांची कारवाईची मागणी

दैनिक गोमन्तक

मडगाव : मडगाव येथील कोकण रेल्वे स्थानक प्रकल्पाच्या बांधकामावेळी त्या ठिकाणी असलेल्या परप्रांतियांच्या झोपड्या इतरत्र स्थलांतरित करण्यात आल्या होत्या. यातील काही झोपड्या आझाद नगरी येथे स्थलांतरित करण्यात आल्या होत्या. मात्र आता याठिकाणी अनेक बेकायदेशीर झोपड्या उभारण्यात आल्या आहेत. असं असलं तरीही त्यांच्या गाड्या कोकण रेल्वे स्थानकाच्या मुख्य रस्त्यावर पार्किंग करण्यात येत असल्याने येथील वाहतूक व्यवस्थेवर परिणाम होत असल्याने ही वाहने हटविण्याची मागणी जोर धरु लागली आहे.

कोकण रेल्वे स्थानकाची निर्मिती करण्याअगोदर याठिकाणी 20 ते 30 च्या आसपास झोपड्या होत्या. यातील काही झोपड्यांचे स्थलांतरण दक्षिण गोवा अग्निशमन दलाच्या कार्यालयामागे, तर काही झोपड्यांचे स्थलांतरण डेक्कन टायरजवळ असलेल्या शेतजमिनीत करण्यात आले होते. त्यावेळेस याठिकाणी काही मोजक्याच झोपड्या होत्या मात्र आता याठिकाणी 100 च्या आसपास बेकायदेशीर झोपड्या तयार झाल्या आहेत.

झोपडपट्टीतील रहिवाशांकडे दुचाकी आणि चारचाकी गाड्या आहेत. मात्र त्यांना गाड्या पार्किंगची सुविधा नसल्याने मुख्य रस्त्यावर पार्किंग करावे लागत आहे. याठिकाणी एमसीसी क्रीडा मैदान ते कोकण रेल्वे स्थानक जंक्शनपर्यंत जाण्याच्या रस्त्यावर डाव्या बाजूला एका ओळीने सलग गाड्या पार्क करण्यात येत आहेत. त्यामुळे इतर वाहनांना या रस्त्यावरून जाण्यास अडथळा निर्माण होत आहे.

अशा प्रकारे वाहने उभी करण्यात येत असल्याने अनेकवेळा अपघात घडले आहेत. याप्रकरणी मडगाव नगरपालिकेचे नगरसेवक महेश आमोणकर यांनी स्थानिक नगरसेवक आणि आमदार यांना जबाबदार धरलं आहे. त्यांनी याप्रकरणात लक्ष घालण्याची मागणी केली असून कारवाईची मागणी केली आहे. येथे गाड्या पार्क करण्यात येत असल्याने वाहतुकीला अडथळा निर्माण होत आहे. तसंच प्रवाशांना स्टेशनवर पोहोचण्यासाठी उशीर लागत असल्याने त्यांचीही गैरसोय होत असल्याचं चित्र आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sattari Theft: 1 नाही, 2 नाही.. तब्बल 5 दुकाने फोडली! केरी-सत्तरीत चोरट्यांचा धुमाकूळ; नागरिक चिंताग्रस्त

Satyapal Malik: घटनात्मक पदावर असतानाही सरकारविरुद्ध उघडपणे बोलणारे, बेधडक सत्य सांगणारे 'सत्यपाल मलिक'

Palolem Nagarse: कोमुनिदादच्या जागेत घातले कुंपण, जमीन हडपण्याचा प्रयत्न; नगर्से-पाळोळेतील नागरिक संतप्त

Goa: 'कर्ज काढून सण साजरे केले नाहीत', मुख्यमंत्र्यांचे सडेतोड उत्तर; मतदारसंघासाठी 100 कोटींची तरतूद केल्याची दिली माहिती

Rashi Bhavishya 06 August 2025: तांत्रिक कामे किंवा इलेक्ट्रॉनिक बाबतीत दक्षता घ्या, आरोग्याकडे दुर्लक्ष नको

SCROLL FOR NEXT